विना अनुदानीत शिक्षकांचा मोर्चा, शहीद शिक्षकांचे कुटुंबीय करणार मोर्चाचे नेतृत्व

औरंगाबाद दि. 3- शिक्षणमंत्र्यांच्या सुलतानशाही कारभाराचा निषेध करण्यासाठी तथा सर्व विनाअनुदानीत शाळा तुकड्यांना प्रचलित टप्प्यानुसार अनुदान द्या, या मागणीसाठी ४ ऑक्टोंबर रोजी औरंगाबाद येथे होणा-या मंत्रिमंडळाच्या बैठकीत विना अनुदानित कृती समितिने “अनुदान हक्क मोर्चा “आयोजित केला आहे. मोर्चाचे नेतृत्व शहीद शिक्षकांचे कुटुंबीय करणार आहे.

भुजबळांच्या समर्थनात नाशिकात एकवटले ओबीसी

नाशिक,दि.3: छगन भुजबळांना लवकरात लवकर सोडा, अन्यथा त्याचे परिणाम सरकारला भोगावे लागतील, असा इशारा भुजबळ समर्थकांनी दिला. याशिवाय मुंडेंना संपवलं, आता भुजबळांना संपवू देणार नाही अशा शब्दात छगन भुजबळ समर्थकांनी आपली प्रतिक्रिया व्यक्त केली. तुरुंगात असलेल्या भुजबळांच्या समर्थनासाठी नाशिकमध्ये आज मोर्चा काढण्यात येत आहे. या मोर्चाला मोठ्या प्रमाणात गर्दी जमत आहे.संपूर्ण ओबीसी समाज एकत्र करण्याचा प्रयत्न आयोजकांच्या वतीने करण्यात आला आहे. त्यासाठी जय्यत तयारीही करण्यात आली आहे. 

पासष्ठ हजार कोटींचे काळे धन बाहेर

नवीदिल्ली- देशातील काळा पैसा बाहेर काढण्यासाठी केंद्र सरकारने जाहीर केलेल्या उत्पन्न प्रकटीकरण योजनेत, ६५ हजार २५0 कोटी रुपयांचे उत्पन्न करदात्यांनी जाहीर केले असून, त्यापोटी सरकारला तब्बल ३0 हजार कोटी रुपयांचा कर मिळणार आहे. या योजनेत ६४,२७५ घोषणापत्रे आयकर विभागाला सादर करण्यात आली आहेत.

पेंचमध्ये वाघाच्या बछड्याचा मृत्यू

नागपूर,दि.2 : मध्य प्रदेशातील पेंच व्याघ्र प्रकल्पाच्या बफर क्षेत्रात एका वाघाच्या बछड्याचा मृत्यू झाल्याची घटना पुढे आली आहे. माहिती सूत्रानुसार २९ सप्टेंबर रोजी रामपुरी बिटातील कक्ष क्रमांक १३९९ येथे या बछड्याचा मृतदेह आढळून आला. यानंतर मध्य प्रदेश वन अधिकार्‍यांनी ३0 सप्टेंबर रोजी त्या बछड्याचे शवविच्छेदन करून त्यांच्यावर अंत्यसंस्कार केले.

लखलखत्या तेजात माताराणीचे आगमन

आज अश्विन शुक्ल प्रतिपदा. लखलखत्या तेजोमय वातावरणात माताराणीचे आगमन झाले. राष्ट्रीय महामार्ग 6 शेजारी देवरी येथे निसर्गाच्या सानिध्यात वसलेली व आदिवासीचे आराध्य असलेली मॉ धुकेश्वरी मंदीर परिसर असा रौशनाईने न्हाऊन गेला. अगदी पहिल्याच दिवसी दर्शनासाठी मातेच्या भक्तांनी केलेल्या गर्दीने परिसर फुलून गेला होता.- सुरेश भदाडे

वादग्रस्त व्यंगचित्राबद्दल उद्धव ठाकरेंनी मागितली जाहीर माफी

मुंबई, दि. १ – मराठा समाजाच्या क्रांती मूक मोर्चाबद्दल छापण्यात आलेल्या व्यंगचित्रावरून जो वाद निर्माण करण्याचा प्रयत्न केला गेला त्यामुळे मला खूप दुख: झालं. मात्र ते केवळ एक व्यंगचित्र होते, त्याद्वारे कोणालाही दुखावण्याचा व अपमान करण्याचा आमचा हेतू नव्हता, असं सागंत शिवसेना पक्षप्रमुख उद्धव ठाकरेंनी जाहीर माफी मागितली आहे.

शुभांगी मुनघाटे सेट परीक्षा उत्तीर्ण

देवरी,१ः डोेंगरगाव सडक येथील शुभांगी विजयकुमार मुनघाटे हिने मे- 2015 मध्ये घेण्यात आलेली सेट परीक्षा उत्तीर्ण केली.