लाखनी,दि.07ः- सामूहिक विवाह हे खऱ्या अर्थाने चळवळ म्हणून उदयास आले पाहिजेत. कुणबी समाजाने गेली २५ वर्ष अतिशय उत्तमरित्या विवाह सोहळ्याचे आयोजन करुन समाजात नवा आदर्श स्थापित केल्याचे प्रतिपादन माजी केंद्रीय मंत्री तथा खासदार प्रफुल पटेल यांनी केले. ते श्री संत तुकाराम बहुउद्देशीय सेवाभावी संस्था लाखनी व कुणबी समाज सेवा मंडळाच्या वतीने(दि.७आज अक्षय तृतीयाच्यापर्वावर आयोजित सामूहिक विवाह सोहळ्यात बोलत होते.
समर्थ विद्यालयाच्या मैदानावर आयोजित सामूहिक विवाह सोहळ्याचे हे २६ वे वर्ष होते. कार्यक्रमाला प्रमुख अतिथी म्हणून माजी केंद्रीय मंत्री तथा खासदार प्रफुलभाई पटेल,खासदार मधुकर कुकडे, आमदार डॉ. परिणय फुके, आमदार बाळाभाऊ काशिवार, माजी आमदार सेवकभाऊ वाघाये, माजी शिक्षण राज्यमंत्री नानाभाऊ पंचबुद्धे, माजी आमदार दादासाहेब शेंडे, जिल्हा बँकेचे अध्यक्ष सुनील फुंडे, भंडाराचे नगराध्यक्ष सुनील मेंढे, लाखनीच्या नगराध्यक्षा ज्योती निखाडे, लाखनी पं.स. सभापती खुशाल गिदमारे, अर्बन बँकेचे अध्यक्ष महेश जैन,सामाजिक कार्यकर्त्या डॉ. विजया नंदुरकर, रामलाल चौधरी, जि.प. भंडाराच्या माजी अध्यक्षा सौ. भाग्यश्री गिल्लोरकर, सौ. सरोजताई वाघाये, नीमाचे जिल्हाध्यक्ष डॉ. चंद्रकांत निंबार्ते, जि.प.सदस्य नरेश डहारे,निलकंठ कायते, पोलीस निरीक्षक हेमंत खराबे, दिलीप कातोरे, माजी सभापती अशोक चोले, डॉ. अजय तुमसरे, मजूर काँग्रेस जिल्हाध्यक्ष रमेश खराबे, आल्हाद भांडारकर, कृ.उ.बा.स.लाखनीचे सभापती शिवराम गिरेपुंजे, घनशाम खेडीकर, नगरपंचायत सदस्य, गीता तीतिरमारे, संयोजक रामकृष्ण वाढई, अशोक चेटुले या मान्यवरांसह समाजाचे सर्व पदाधिकारी उपस्थित होते.
अतिथिंच्या हस्ते वर वधूंच्या पालकांचे स्वागत करुन नववधूंना संसारोपयोगी साहित्य भेट देण्यात आले. आमदार बाळाभाऊ काशिवार यांच्यावतीने सर्व जोडप्यांना शिलाई मशीन व माजी आमदार सेवकभाऊ वाघाये यांच्यातर्फे गॅसशेगडी भेटस्वरुपात देण्यात आले.संस्थेच्यावतीने वर वधूंना विवाह प्रमाणपत्र देण्यात आले.संचालन कुणबी समाज युवा समिती लाखनीचे सहसचिव प्रशांत वाघाये यांनी तर प्रास्ताविक मंडळाचे अध्यक्ष जयकृष्ण फेंडरकर यांनी केले.आभार मंडळाचे उपाध्यक्ष उमराव आठोडे यांनी मानले.यशस्वितेसाठी कार्यक्रम संयोजक रामकृष्ण वाढई, अशोक चेटुले, सचिव रामदास सार्वे, पदाधिकारी गंगाधर लुटे, माधवराव भोयर, मंगेशजी कानतोडे, भोजराम डहाके, मधुजी मोहतुरे, रमेशजी झलके, रमेश रोटके, परसराम फेंडरकर, प्रमोद शेंडे, उद्धव भूते, तामेश्वर सेलोकर, श्याम झलके, पांडुरंग सिंगणजुड़े, अशोक अतकरी, अर्चना ढेंगे, अल्का खराबे, युवा समितीचे अध्यक्ष उमेश सिंगनजुडे, सचिव बालूभाऊ फसाटे, संजय वनवे, ओमप्रकाश शेंडे, रशेष फटे, मोहन बोंद्रे, नितेश टिचकुले, कैलास लुटे, मंगेश धांडे, मोहन रेहपाडे, मनोज इश्वरकर, सोमेश्वर धांडे, दुर्गेश चोले, नकुल वैद्य तसेच महिला समिती अध्यक्ष आशा वनवे, सदस्या हर्षदा कमाने, दुर्गा अतकारी, मीनाक्षी सिनगंजुड़े, उमा टिचकुले, स्मिता सिंगणजुडे, सारिका रेहपाड़े, शैला सार्वे, अलका खटके, वर्षा वैद्य, गीता तितिरमारे, उर्मिला आगाशे, अंजना पिंपळशेंडे, शालु उरकुडे, व अखिल विश्व गायत्री परिवार लाखनी शाखा, बंसी डेयरी लाखनी, अ.भा.प्रा.शिक्षक संघ शाखा लाखनी आणि उपस्थित सर्व समाजबांधवांनी परिश्रम घेतले.
