बेरारटाईम्सच्या ब्लॉगचे पालकमंत्र्यांच्या हस्ते शुभारंभ

फोटो- ब्लॉग शुभारंभप्रसंगी मंचावर उपस्थित ना. राजकुमार बडोले आणि मान्यवर ( छाया- सुरेश भदाडे)

गोंदिया,15(berartimes.com)- गेल्या पाच वर्षापासून वाचकांच्या सेवेत असलेल्या आणि अल्पावधितच लोकप्रिय झालेल्या वैदर्भीय मराठी साप्ताहिक बेरारटाईम्सच्या ब्लॉगचा शुभारंभ राज्याच्या सामाजिक न्यायमंत्री तथा गोंदियाचे पालकमंत्री ना.राजकुमार बडोले यांचे हस्ते करण्यात आले.
स्थानिक राईस मिल असोशिएसनच्या सभागृहात आयोजित श्रमिक पत्रकार संघाच्या पुरस्कार वितरण सोहळ्याप्रसंगी आज http://berartimes.blogspot.in हे ब्लॉग ना.बडोले यांनी क्लिक करून वाचकांच्या सेवेत दाखल केले. याप्रसंगी मंचकावर गोंदिया जिल्हा परिषदेच्या अध्यक्ष उषा मेंढे,जि.प.चे शिक्षण सभापती पी.जी. कटरे, भाजपचे विनोद अग्रवाल, ज्येष्ठ पत्रकार प्रा. एच एच पारधी, श्रमिक पत्रकार संघाचे अध्यक्ष हाजी अल्ताफ, सचिव संजय राऊत आदी मान्यवर उपस्थित होते.
या सोहळ्याला जिल्ह्यातील पत्रकार, सामाजिक कार्यकर्ते, नेतेमंडळी मोठ्या संख्येने उपस्थित होते.