अपघातात युवकाचा मृत्यू

चिचगड,दि.28ः- चिचगड ते नवेगाव रस्त्यावर शनिवारला चार वाजेच्या सुमारास पळसगाव धमदिटोला येथील 19 वर्षाच्या युवक कोमल प्रभुजी प्रचारी हा नवेगाव वरुन मोटरसायकलने धमदिटोलाकडे येत असताना ट्रक आणि मोटरसायकलमध्ये झालेल्या अपघातात त्याचा मृत्यू झाल्याची घटना घडली.ट्रक हा मगरडोहवरून नवेगावला बांबू भरून जात असताना हा अपघात गावापासून एक किलोमीटर अंतरावर झा

ला.ट्रक (क्रमांक सी जी ०४-डी एन १००१)हा कोमलच्या मांडीवरुन गेल्यामुळे त्याचा जागीच मृत्यू झाला.त्यानंतर वाहकाचे नियंत्रण सुटल्याने ट्रक पलटी झाला. मृतक हा आई-वडीलांचा एकटा मुलगा होता. कोमलच्या मृत्यूमुळे म्हाताऱ्या आई वडिलांच्या आधार हरपलामुळे संपूर्ण गावात शोक व्यक्त केला जात आहे. या घटनेची नोंद पोलीस स्टेशन चिचगड येथे झाली असून याचा तपास हवालदार होरे करीत आहेत.