गोंदिया,दि.२०ः- गोंदिया जिल्ह्यातील अवैध व्यवसायाचे समुळ उच्चाटन आणि नियंत्रणाच्या दृष्टीने पोलीस अधिक्षक हरिष बैजल यांनी दिलेल्या सुचनांचे पालन करीत जिल्ह्यातील सर्वच पोलीस निरिक्षकांनी आपपल्या ठाण्यातील अवैध धंदे,दारुव्यवसाय व अवैध दारुभट्यांचा बंदोबस्त करण्यास सुरवात केली आहे.या मोहिमेंतर्गतच गंगाझरी पोलीस ठाण्यांतर्गंत येत असलेŸल्या बैरागीटोला परिसरातील अवैधरित्या मोहफुलाची दारु तयार करणाèया भट्यांतील साहित्य जप्त करुन उध्वस्त करण्याची कारवाई सहाय्यक पोलीस निरिक्षक शितल जाधव यांच्या नेतृत्वातील पथकाने आज(दि.२०)केले.खर्रा ग्रामपंचायतर्गंत येत असलेल्या बैरागीटोला गावातून चार पाचगावामध्ये अवैधरित्या दारुपुरवठा करण्यात येत असल्याची माहिती मिळताच जंगलात मोहफुलाची दारु तयार करण्यात येत असलेल्या ५ ते ६ भट्या नष्ट करण्यात आल्या.तसेच साहित्यही जप्त करण्यात आले.या कारवाईत ३ हजार लीटर सडवा मोहफुल नष्ट करण्यात आला.तसेच दारु बनविण्यासाठी वापरण्यात येणारे ६० हजार किमतीचे साहित्य जप्त करण्यात आले.सोबतच तीन आरोपंीना घटनास्थळावरुन अटक करण्यात आल्याने गंगाझरी पोलीस ठाण्याच्या हद्दीत अवैध व्यवसायिकामध्ये चांगलीच धास्ती निर्माण होऊ लागली आहे.ही कारवाई सहाय्यक पोलीस निरिक्षक शितल जाधव यांच्या नेतृत्वात पोलीस उनिरिक्षक सोनवाने,पोलीस नायक मुकेश शेंडे,पोलिस शिपाई अजय चौरे,विक्की धांडे,सुशील गजभिये,चालक बघेल व होमगार्ड नागपूरे यांच्या पथकाने केली.
No comments:
Post a Comment