मोटारसायकल अपघातात पतीचा मृत्यू तर पत्नी जखमी

ब्रम्हपुरी,दि.20ः- वडसा-ब्रह्मपुरी मार्गावरील विद्यानिकेतन सीबीएससी शाळेजवळ आज (दि.20) सायंकाळी 5.30 वाजेच्या सुमारास झालेल्या मोटारसायकलच्या अपघातात मोटारसायकलस्वार पतीचा मृत्यू झाला तर पत्नी जखमी झाल्याची घटना घडली.
येथील ने.हि.महाविद्यालयात कार्यरत अशोक विठोबा चहांदे(53) हे हिरो होंडा क्र. एम.एच.34 एडी 0495 ने वडसाकडून ब्रम्हपुरीकडे येत असताना विद्यानिकेतन शाळेजवळ वाहनासमोर अचानक डुक्कर येऊन दुचाकीला धडकल्याने मोटारसायकलचालकाचे संतुलन बिघडले.यात चाहांदे यांना जबर दुखापत झाली तर पत्नीला किरकोळ दुखापत झाल्याने ख्रिस्तानंद हास्पिटल येथे उपचारार्थ दाखल करण्यात आले.उपचारादरम्यान चहादेंचा मृत्यू झाला. पत्निवर आवश्यक उपचार करून सुटी देण्यात आली.अशोक चहांदे यांचे मागे 4 मुली एक मुलगा व पत्नी असा परिवार आहे.