तिनशे रुपयाची लाच घेतांना रोजगारसेवक जाळ्यात

गोंदिया,दि.१०ः-सालेकसा तालुक्यातील मुंडीपार येथील रोजगार सेवक शोभेलाल मोहारेला प्रधानमंत्री आवास योजनेतंर्गत मंजूर घरकुलाच्या कामावर तक्रारदारांच्या कुटुबियांनी काम केल्याने त्यांचे बिल काढून देण्यासाठी एक हजाराची मागणी केली.परंतु तक्रारदाराला पैसे द्यायची इच्छा नसल्याने त्यांने गोंदियातील लाचलुचपत प्रतिबंधक विभागाला तक्रार नोंदविली.त्या तक्रारीच्या आधारे ग्रामपंचायत पानगाव येथे सापळा रचून पडताळणी करण्यात आली असता ३०० रुपयाची लाच मागून ती स्विकारण्याची तयारी दर्शविल्याने रोजगारसेवक शोभेलाल मोहारेविरुध्द सालेकसा पोलीस ठाण्यात गुन्हा दाखल करुन ताब्यात घेण्यात आले.