नवी दिल्ली,दि.30- कॅशलेश व्यवहार करणाऱ्या ग्राहकांना आता एमआरपीवर 100 रुपयापर्यंत सूट मिळण्याची शक्यता निर्माण झाली आहे. याशिवाय डिजीटल व्यवहार करणाऱ्यांना कॅशबॅक दिली जाणार आहे. यासाठी सरकार जीएसटी परिषदेद्वारे तयारी करत असल्याची माहीती आहे.
ग्राहकांना डिजिटल व्यवहारांकडे आकर्षित करण्यासाठी अलीकडेच पंतप्रधान कार्यालयात महत्त्वाची बैठक झाली. त्यामध्ये तीन पद्धतीने प्रोत्साहन देण्याबाबत चर्चा झाली.
प्राप्तिकर, व्यवसाय करासारख्या प्रत्यक्ष कराचा भरणा करणाऱयांनाही सवलत देण्याबाबत बैठकीत विचार करण्यात आला आहे. वस्तू किंवा सेवा खरेदी करताना डिजिटल पद्धतीने (भीम अ‍ॅप, मोबाईल वॉलेट, नेट बँकिंग किंवा कार्डद्वारे) पेमेंट करणाऱ्या ग्राहकांना १०० रुपयांपर्यंत सवलत देण्यावर एकमत झाले. तसेच अधिकाधिक विक्रेत्यांना डिजिटल पेमेंटच्या कक्षेत आणण्यासाठी त्यांनाही विशेष प्रोत्साहन देण्याचा केंद्र सरकार विचार करीत आहे. त्याअंतर्गत विक्रेत्यांना एकूण वार्षिक उलाढालीवर ठराविक रक्कम ‘कॅशबॅक’ स्वरुपात परत मिळणार आहे. यासंबंधीचा प्रस्ताव सरकारकडून लवकरच जीएसटी परिषदेसमोर ठेवला जाणार आहे.
No comments:
Post a Comment