नवी दिल्ली - मानेसर जमीन वाटप गैरव्यवहार प्रकरणी हरियानाचे माजी मुख्यमंत्री भुपिंदरसिंह हुड्डा यांच्या रोहतकमधील निवासस्थानासह अन्य ठिकाणी छापे टाकण्यात आले.
आज (शनिवार) सकाळी केंद्रीय अन्वेषण विभागाच्या (सीबीआय) अधिकाऱ्यांनी भुपिंदरसिंह हुड्डा यांच्या निवासस्थानांवर छापे टाकले. यामध्ये त्यांच्या रोहतकमधील निवासस्थानासह गुडगावमधील तीन, दिल्लीतील नऊ, चंदिगडमधील तीन आणि पंचकूलामधील तीन निवासस्थानांचा समावेश आहे. हुड्डा यांच्यासह माजी आयपीएस अधिकारी छतरसिंह, एम. एल. दयाल आणि एस. बी. ढिल्लन यांच्या निवासस्थानांवरही छापे टाकण्यात आले आहेत.
हरियानात काँग्रेसचे सरकार असताना मानेसर येथे सुमारे 912 एकर जमीन अधिग्रहण करून डीएलएफ व अन्य काही बांधकाम व्यावसायिकांना देण्यात आली होती. या प्रकरणी सध्याच्या भाजपप्रणित सरकारने चौकशीचे आदेश देत गुन्हा दाखल केला होता. या प्रकरणाचा तपास सीबीआयकडे सोपविण्यात आला आहे.
No comments:
Post a Comment