तुमसर पालिकेचे कार्य प्रशंसनीय: राज्यस्तरीय हागणदारीमुक्त पथकाची पाहणी

तुमसर berartimes.com,दि.22 : हागणदारीमुक्त अभियानाची राज्यस्तरीय पथकाकडून पाहणी दरम्यान शहरातील १० मुख्य ठिकाणाची तपासणी करण्यात आली. सार्वजनिक शौचालयाची स्वच्छता, परिसरातील स्वच्छता व शहराचे सौंदर्यीकरण भुरळ पाडणारे आहे. विशेष म्हणजे प्रात:वेळी एकही इसम उघड्यावर शौच करताना आढळले नाही. एकंदरीत नगर पालिकेचे कार्य पथकाला प्रशंसनिय वाटले असून केंद्रीय समितीकडे शिफारस करण्यात येत असल्याचे तपासणी समितीने मह्टले आहे.यावेळी राज्यस्तरीय पथकातील नागपूर महानगर पालिकेचे अतिरिक्त आयुक्त रिजवान सिद्धीकी, शोभा राऊत, समाज सेविका दुर्गा भरळे उपस्थित होते.