अखेर त्या बेपत्ता युवकाचा मृत्यूदेह आढळला

देवरी प्रतिनिधी,दि.22- गेल्या 16 जानेवारी रोजी उपचारासाठी देवरीच्या ग्रामीण रुग्णालयात दाखल असेलला युवक अचानक मध्यरात्रीच्या सुमारास बेपत्ता झाला होता. त्या युवकाचे प्रेत राष्ट्रीय महामार्गावर असलेल्या धुकेश्वरी तलावात आज सकाळी आढळून आला. देवरी पोलिसात मर्ग दाखल असून पुढील तपास ठाणेदार कमलेश बच्छाव यांचे मार्गदर्शाखाली सुरू आहे.

मृताचे नाव विजय यशवंत भेलावे (वय 38) राहणार वॉर्ड क्र. 15 देवरी असे आहे.

पोलिसांनी दिलेल्या माहितीनुसार, विजय हा पोटाच्या आजाराने ग्रस्त होता. त्यामुळे उपचारासाठी कुटुंबीयांनी त्याला देवरीच्या ग्रामीण रुग्णालयात दाखल केले होते. गेल्या 16 तारखेच्या मध्यरात्री विजय हा दवाखान्यातून बेपत्ता झाल्याची फिर्याद  विजयच्या कुटुंबीयांनी देवरी पोलिसात दाखल केली होती. आज सकाळी विजयच्या मृतदेह शहरातील धुकेश्वरी तलावात तरंगताना दिसला. मृत विजयच्या मागे पत्नी, दोन मुले आणि आप्तेष्ट आहेत, मृतदेहाटी उत्तरीय तपासणी करून शव कुटंबीयांच्या स्वाधीन करण्यात आले.