चंद्रपूर,दि.20 : मूल तालुक्यातील केसलाघाट येथे रस्त्याच्या कडेला उभ्या असलेल्या ट्रकला भरधाव स्कॉर्पिओ गाडीने धडक दिल्याने झालेल्या भीषण अपघातात ६ जण जागीच ठार झाले. तर ६ जण गंभीर जखमी झाले. मिळालेल्या माहितीनुसार, सर्व मृत व्यक्ती चंद्रपुरातील असून गोंदियावरून देवदर्शनाहून परतत असताना त्यांच्यावर काळाने झडप घातली.
केसलाघाट गावात बुधवारी रात्री उशिरा हा अपघात झाला. अपघातातील जखमींना तातडीने मूल येथील उपजिल्हा रुग्णालयात दाखल करण्यात आले आहे. अपघात इतका भीषण होता की स्कॉर्पिओचा अर्धा भाग ट्रकमध्ये घुसला. हा भाग कापला गेल्याने अपघाताची भीषणता वाढली. जितेंद्र पटपल्लीवार, मनीषा भोयर, अंकिता पेटकुले, क्रिश पाटील, सोमी पाटील, शीला पाटील, रेखा खटिकर अशी स्कॉर्पिओतील काहींची नावे हाती आली असून मृत व जखमींचा नेमका तपशील मिळालेला नाही.
पोलिसांनी घटनास्थळी जाऊन स्थानिकांच्या मदतीने जखमींना रुग्णालयात हलवले व तपास सुरू केला आहे. ट्रक नादुरुस्त होता. या ट्रकला भरधाव स्कॉर्पिओने धडक दिल्याने हा अपघात झाल्याचे पोलिसांनी सांगितले.
पोलिसांनी घटनास्थळी जाऊन स्थानिकांच्या मदतीने जखमींना रुग्णालयात हलवले व तपास सुरू केला आहे. ट्रक नादुरुस्त होता. या ट्रकला भरधाव स्कॉर्पिओने धडक दिल्याने हा अपघात झाल्याचे पोलिसांनी सांगितले.
No comments:
Post a Comment