वीज कोसळून आठ विद्यार्थी जखमी

नागपूर,दि.28ः- जिल्ह्यातील रामटेक पंचायत समितींतर्गत येत असलेल्या आसोली येथील जिल्हा परिषद शाळेच्या इमारतीवर गुरुवारला सायकांळी 4 वाजेच्या सुमारास विज कोसळल्याने 8 विद्यार्थी जखमी झाल्याची घटना घडली.त्यातील 2 विद्यार्थी गंभीर जखमी झाले असून त्यांच्याव उपजिल्हा रुग्णालयात उपचार सुरु आहे.जखमी विद्यार्थी हे पहिली ते चौथ्या वर्गाचे आहेत.यात एक शिक्षिकाही जखमी झाली असून सुदैवाने कुठलीही जिवितहानी झाली नाही.