12 तास लोटूनही त्या वाईनशाॅपवरील कारवाईची माहिती गुलदस्त्यातच

गोंदिया,दि.24ःराज्यात कोरोनाच्या पार्श्वभूमिवर सध्या संचारबंदी व लाॅकडाऊन असल्यामुळे देशीविदेशी दारुची सर्वच दुकाने जिल्ह्यातच नव्हे तर राज्यातही बंद आहेत.दरम्यान याच काळात मोठ्याप्रमाणात देशी विदेशी दारु अवैधरित्या विक्री करतांना व वाहतुक करतांना पकडण्यात आले.तर दुसरीकडे 200 रुपये दर असलेली दारुची बाटल 400 रुपयाला तर मोहफुलाचीही दारु 500 रुपये डबकीप्रमाणे जिल्ह्यात विक्री सुरु असल्याचे वृत्त समोर येत आहे.

यादरम्यानच गुरुवारला राज्य उत्पादन शुल्क विभाग गोंदियाच्या वरिष्ठ अधिकारी व कर्मचारी यांच्या उपस्थितीत गोंदियातील दुर्गाचौक परिसरात असलेल्या एका वाईनशाॅपवर धाड घालून चौकशी करण्यात आली.ही कारवाई गुरुवारला सायकांळी 7 वाजेच्या सुमारास सुरवात करण्यात आली.प्रसारमाध्यमांच्या प्रतिनिधीना कळल्यावर अनेकांनी धाव घेत कारवाई बघितली तर काहींनी संबधित अधिकार्यांशी संपर्क साधून माहिती कधी मिळणार अशी विचारणाही केली.मात्र त्या कारवाईला तब्बल 12 तासाचा कालावधी लोटूनही त्या कारवाईदरम्यान काय मिळाले हे राज्य उत्पादन शुल्क विभागाने अद्यापही न सांगितल्याने या कारवाईतील चौकशीच संशयाच्या भोवर्यात आली आहे.त्या वाईनशाॅपमधून माल बाहेर विक्रिला जात असल्याची चर्चा परिसरात होती.तर त्याच भागात असलेल्या एका काॅलनीत बनावट दारु केली जात असल्याची चर्चा असून गोंदिया शहरात सध्या विक्री होत असलेली बियर व विदेशी दारु ही त्या एका काॅलनीत तयार केली जात असून त्याठिकाणी कारखाना असल्याचे बोलले जात आहे.