गोंदिया,दि.24ः-पुर्व विदर्भासह ज्या जिल्ह्यात धानाचे उत्पादन होते,त्या जिल्ह्यातील धान उत्पादक शेतकर्यांसाठी बोनसची घोषणा राज्यसरकारने हिवाळी अधिवेशनात केली होती.त्यामध्ये अधिक 200 रुपये वाढवून 700 रुपये बोनस देण्याची मागणी खा.प्रफुल पटेलांनी केली होती.त्यानंतर धान उत्पादक शेतकर्यांसाठी 700 रुपये बोनस जाहिर करण्यात आले होते.त्या बोनसची रक्कम आता शेतकर्यांच्या बँक खात्यात जमा होऊ लागली आहे.गोंदिया जिल्ह्यासाठी 113 कोटी तर भंडार जिल्ह्यासाठी 100 कोटी रुपयाचा निधी खा.पटेलांच्या पुढाकारानंतर जिल्हा मार्केटिंग अधिकारी यांच्याकडे जमा झालेला आहे.
वास्तविक बोनसची रक्कम शेतकर्यांना मिळण्यास उशीर झाले होते,त्यातच मार्च महिन्यापासून कोरोना संसर्गाने जनजिवन विस्कळित केल्यानंतर देशभरात संचारबंदी लागू झाल्याने सर्वसामान्य धान उत्पादक शेतकर्यासमोर अनेक अडचणी निर्माण झाल्या होत्या.त्या अडचणी लक्षात घेत खासदार प्रफुल पटेल यांनी राज्याचे मुख्यमंत्री उध्दव ठाकरे व उपमुख्यमंत्री अजित पवार यांच्याशी चर्चा करुन पत्रव्यवहार करीत त्वरीत बोनस शेतकर्यांच्या खात्यात जमा करण्याची मागणी केली होती.त्यातच दोन दिवसापुर्वी गोंदिया व भंडारा जिल्हाधिकारी यांच्या कार्यालयात आयोजित आढावा बैठकीत राज्याच्या अ्न्नपुरवठा विभागाच्या सचिवांशी चर्चा करुन बोनसची रक्कम देण्यासंबधी चर्चा करीत संबधित विषय त्वरीत मार्गी लावण्याचे निर्देश दिले होते.त्या अनुषंगाने गोंदिया जिल्हयातील शेतकर्यांना बोनस देण्यासाठी 195 कोटीची गरज असुन त्यापैकी आज तारखेपर्यंत गोंदिया जिला मार्केटिंग अधिकारीकडे 113 कोटीचा निधी प्राप्त झाला.त्यापैकी 101.81 कोटीचा निधी शेतकर्यांंच्या खात्यात वळता झालेला आहे.तर उर्वरीत रक्कम येत्या दोन दिवसात खात्यावर वळती करणार असल्याची माहिती गोंदिया जिला मार्केटिंग अधिकार्यांंनी खासदार पटेल यांना दिली.भंडारा जिल्हयातील धान उत्पादक शेतकर्यांसाठी जिला मार्केटिंग अधिकारी भंडाराकडे 100 कोटीचा निधी उपलब्ध करुन देण्यात आला असून भंडारा जिल्हयातील शेतकर्यांच्या खात्यावर येत्या दोन दिवसात बोनसची रक्कम जमा करण्यात येणार आहे.गेल्या दोन दिवसात खा.पटेलांनी सतत लक्ष घालून बोनसची रक्कम शेतकर्यांच्या खात्यात जमा करण्यासाठी केलेल्या प्रयत्नाला यश आल्याने दोन्ही जिल्ह्यातील शेतकर्यांना मोठा दिलासा मिळाला असून त्यांनी खा. पटेल यांचे आभार मानले आहे.
No comments:
Post a Comment