गोंदिया दि.25(जिमाका) कोरोना विषाणूचा प्रादुर्भाव रोखण्यासाठी साथरोग प्रतिबंधात्मक कायदा लागू करण्यात आला आहे.त्यातील तरतुदींच्या अंमलबजावणीसाठी जिल्हाधिकारी यांना सक्षम प्राधिकारी घोषित केले आहे.कोरोना विषाणूचा प्रादुर्भाव रोखण्यासाठी प्रतिबंधात्मक उपाययोजनेचा एक भाग म्हणून गोंदिया जिल्ह्यातील नागरिकांची गैरसोय होऊ नये म्हणून जिल्हाधिकारी डॉ.कादंबरी बलकवडे यांनी इलेक्ट्रिक फॅन दुकाने, सिमेंट,रेती,गिट्टी आदी बांधकाम विषयक साहित्य विक्रीची दुकाने, आणि चष्मा(ऑप्टिकल) ची दुकाने सोमवारी सकाळी 8 ते दुपारी 2 वाजता या वेळेत सुरू करण्यास एका आदेशाद्वारे अटी व शर्तीच्या अधीन राहून परवानगी देण्यात आली आहे.
लॉकडाऊनच्या काळात कोरोना विषाणूचा संसर्ग रोखण्यासाठी प्रतिबंधात्मक उपाय योजनेचा एक भाग म्हणून दिलेल्या दिवशी ही दुकाने वेळेत सुरु दुकान करावी.संबंधित दुकानापुढे चुन्याने प्रत्येक तीन फुटावर एक रेष ओढावी.एका रेषेवर एक व्यक्ती उभा राहील. जेणेकरून सामाजिक अंतर पाळणे शक्य होईल. जर अशा ठिकाणी गर्दी होत असेल तर गर्दी नियंत्रणात आणणे शक्य नसेल त्यावेळी पोलिस विभागाने हस्तक्षेप करून गर्दी नियंत्रणात आणावी.प्रत्येक दुकानासमोर हॅन्डवॉश स्टेशन असणे आवश्यक आहे.त्या ठिकाणी संबंधित दुकान मालकाने हँडवॉशसाठी साबण व पाणी इत्यादी उपलब्ध करून ठेवावे. किमान कर्मचारीवर्ग नियुक्त करावा. आदेशाचे पालन न करणाऱ्या संबंधित व्यक्ती तसेच संस्था यांच्यावर आपत्ती व्यवस्थापन अधिनियमांतर्गत कारवाई करण्यात येईल.असे जिल्हाधिकारी तथा जिल्हा आपत्ती व्यवस्थापन प्राधिकरणच्या अध्यक्ष डॉ कादंबरी बलकवडे यांनी एका आदेशाद्वारे कळविले आहे.
No comments:
Post a Comment