गडचिरोली,दि.23ः-राज्य राखीव पोलिस दलाच्या सोलापूर गट 10 या बटालियनमधील एका पोलिस उपनिरिक्षकाने बुधवारच्या रात्री साडेसात ते आठ वाजेच्या सुमारास आपल्या सर्विस रिवाल्वरने डोक्यात गोऴी घालून आत्महत्या केल्याची घटना समोर आली आहे.ही घटना जिल्ह्यातील धानोेरा पोलिस उपविभागांतर्गत येणा-या सावरगाव पोलिस मदत केंद्रात घडली. एसआरपीएफची सदर तुकडी गेल्या दीड ते दोन महिन्यापासून सावरगाव येथे कर्तव्यावर आहे.
चंद्रकांत शिंदे (वय 45) असे मृत पोलिस उपनिरीक्षकाचे नाव असुन ते सोलापूर जिल्ह्याचे निवासी असल्याची माहिती आहे.
शिंदे हे कित्येक दिवसांपासून मानसिक तणावात असल्याचे वृत्त समोर आले आहे.त्यांना 6 ते 7 वर्षांपासुन पाठीच्या कण्याचा गंभीर त्रास होता.त्यात गडचिरोली जिल्ह्यात नक्षली भागात तैनाती झाल्याने सतत ऑपरेशन मोडवर रहावे लागत असल्याने त्यांचा त्रास अधिक वाढत गेल्याने शारीरिक व्याधीला कंटाळून निराशेच्या गर्तेत येऊन आत्महत्या केल्याची प्राथमिक माहिती समोर आली आहे.
No comments:
Post a Comment