परशुरामकरांच्या स्थानिक निधीतून ग्रामीण रुग्णालयातील डॉक्टरांना पीपी किट्सचे वाटप

(सड़क /अर्जुनी),दि.01:: तालुक्यातील ग्रामीण रुग्णालयातील वैद्यकीय अधिकारी यांना जिल्हा परिषद सदस्य गंगाधर परशुरामकर यांनी आपल्या जिल्हा परिषद स्थानिक निधीतून पीपीटीकिटस उपलब्ध करुन दिल्या.मतदारसंघाचे आमदार मनोहर चंद्रिकापुरे यांनी परशुरामकर यांच्या वाढदिवसाचे औचित्य साधत 30 एप्रिल रोजी त्याचे वितरण रुग्णालयत केले.

जिल्हा परिषद सदस्य गंगाधर परशुरामकर यांनी कोरोनावर प्रतिबंधक उपाय योजना करण्यासाठी आपले स्थानिक विकास निधीतून तालुका वैद्किय अधिकार्यांना दोन लाख रुपये उपलब्ध करून दिले.त्यात तालुक्यातील खोडशिवनी,शेंडा, पांढरी,डव्वा हे चार प्राथमिक आरोग्य केंद्र व सडक अर्जुनी व सौदड ग्रामीण रूग्णालयांना पी पी किट्स,मास्क,हातमोजे,sanitazr उपलब्ध करून देण्याचे नियोजन केले होते.पीपी किट्स उपलब्ध झाल्याने किट्सचे वाटप सडक अर्जुनी येथील ग्रामीण रुग्णालयात आमदार मनोहर चंद्रीकपूरे यांचे हस्ते वाटप करण्यात आले.यावेळी जि.प. सदस्य गंगाधर परशुरामकर,किशोर तरोणे,रमेश चूरे,अविनास काशिवार,लोकपाल गहाने,खंड विकास अधिकारी निर्वाण, तालुका वैद्यकीय अधिकारी डाॅ.मेश्राम,ग्रामीण रुग्णालयाचे डाॅ.धुम्मनखेडे,डॉ.संकेत परशुरामकर याशिवाय बरेच मान्यवर उपस्थित होेते.