गोंदिया,दि.29 : तिरोडा येथील दुर्गावती अरविंद मिश्रा या महिलेचे कुटूंब वडिलोपार्जित मंदिर परिसरात राहत आहेत. मात्र, ट्रस्टच्या नावाखाली आरोपी फिर्यादी मिश्राच्या कुटूंबाला जमिनीवरील कब्जा हटविण्यासाठी सातत्याने तिची हेळसांड करीत आहेत.
३१ जुलै रोजी नविन बांधकाम सुरू असताना तथाकथीत मंदिर ट्रस्टच्या सदस्याने त्या ठिकाणी येवून महिलेस शिवीगाळ केली व धक्काबुक्की केली. या प्रकरणाची नोंद तिरोडा पोलिसांनी केली नव्हती. दरम्यान फिर्यादी महिलेने जिल्हा पोलिस अधिक्षकांकडे दाद मागितली असता पोलिस अधिक्षकांच्या आदेशान्वये तिरोडा पोलिस ठाण्यात आरोपीविरूध्द गुन्हा नोंद करण्यात आला आहे. सविस्तर असे की, फिर्यादी दुर्गावती मिश्रा हिचे कुटूंब वडिलोपार्जित तिलक वॉर्ड तिरोडा येथे मंदिर परिसरात राहत आहेत. फिर्यादी महिलेकडे देश स्वातंत्र्य होण्यापूर्वीचे जमिनीचे कागदपत्र देखील आहेत. मात्र, मंदिराच्या नावाने ट्रस्ट तयार करण्यात आले. या ट्रस्टमध्ये बाहेरचे व्यक्ती सदस्य झाले आहेत. ट्रस्टीकडून जमिनीचा ताबा सोडण्यासाठी सातत्याने फिर्यादी महिलेची हेळसांड केली जात आहे. त्यातच ३१ जुलै रोजी फिर्यादी महिलेच्या घराचे बांधकाम सुरू असताना आरोपींनी त्या ठिकाणी येवून बांधकाम करा आम्ही मंदिराचे ट्रस्टी आहोत, असे बोलून घराचे सामान व साहित्य फेकून नुकसान केले. एवढेच नव्हेतर फिर्रूादी महिलेला धक्काबुक्की केली होती. या घटनेनंतर फिर्यादी महिला तिरोडा पोलिसात तक्रार नोंद करण्यात आली नव्हती. यामुळे फिर्यादीने जिल्हा पोलिस अधिक्षकांकडे धाव घेतली. पोलिस अधिक्षकांच्या आदेशान्वये तसेच फिर्यादीच्या बयानावरून तिरोडा पोलिसात आरोपीविरूध्द गुन्हा नोंद करण्यात आला.
No comments:
Post a Comment