देवरीच्या गटविकास अधिकारीपदी चंद्रमणी मोडक रूजू

देवरी,दि.24- देवरी पंचायत समितीच्या गटविकास अधिकारी पदी आज मंगळवारी (दि.24) नागपूर जिल्ह्यातील कुही पंचायत समिती येथून स्थानांकरण होऊन आलेले चंद्रमणी मोडक रूजू झाले आहेत.

देवरी पंचायत समितीचे तत्कालीन गटविकास अधिकारी मनोज हिरुडकर यांचे नागपूर जिल्ह्यातील कुही पंचायत समिती येथे गेल्या ऑक्टोबर महिन्यात स्थानांतरण झाले होते. यामुळे रिक्त पदाचा अतिरिक्त कारभार सहायक गटविकास अधिकारी एन.एस. वाघाये यांचेकडे होता. आज मंगळवारी कुही पंचायत समितीमध्ये कार्यरत असलेले चंद्रमणी लक्ष्मण मोडक यांचे स्थानांतरण देवरीच्या गटविकास अधिकारी पदी करण्यात आले. श्री. मोडक यांनी आज आपल्या पदाची सूत्रे हातात घेतली.