सडक अर्जुनी,दि.17ः डिसेंबर शासकीय कामकाज जलद गतीने व्हावे, यासाठी अधिकारी,कर्मचाèयांसाठी कोट्यवधी रुपये खर्च करून शासकीय निवासस्थाने तयार केली जातात. परंतु, त्यांचे हस्तांतरण रखडत असल्याने त्या इमारती असामाजिक तत्त्वांचा अड्डा होत असल्याचा प्रकार येथील तहसीलदार निवासावरून समोर आला आहे.
येथील तहसील कार्यालय परिसरत जवळपास दोन वर्षांपूर्वी तहसीलदार निवासस्थानाचे बांधकाम करण्यात आले.मात्र दोन वर्षांच्या काळात येथे अधिकारी वा कर्मचारी राहायला आले नसल्याने, तसेच संबंधितांचे दुर्लक्ष झाल्याने आजघडीला ही निवासस्थान असामाजिक तत्त्वांचा अड्डा होत चालल्याचे दिसत आहे. निवासस्थान परिसरात घाणीचे साम्राज्य पसरले असून खिडक्या व दरवाजांचे मोठे नुकसान झाले आहे. मद्यपींसाठी ही जागा खुला बार झाली असल्याने दारूच्या बाटल्यांचा खच येथे दिसून येतो.यासंदर्भात तहसीलदार उषा चौधरी यांना विचारणा केली त्यांनी सांगितले की, बांधकाम विभागाने अद्यापही तहसील कार्यालयालाइमारतीचे हस्तांतरण केलेले नाही, तरबांधकाम विभागाचे उपविभागीय अधिकारी प्रकाश लांजेवार यांना विचारणा केली असता त्यांनी, बांधकाम पूर्ण झाले असले तरी विद्युतीकरण झाले नसल्याने सदर निवासस्थानाचे हस्तांतरण रखडले असल्याचे सांगितले. यावरून शासनाच्या निधीचा शासनाच्याच यंत्रणेद्वारे कसा अपव्यय केला जातो,हे निदर्शनास येत आहे.
No comments:
Post a Comment