साकोली, दि 29: जिल्हा परिषदेच्या १०० पटसंख्या असलेल्या शाळेतील अतिथी निदेशकांना सध्या घरी बसण्याची वेळ आलेली आहे. चालु शैक्षणिक सत्रात ६वी ते ८वी पर्यंतच्या जिल्हा परिषद शाळा कला, क्रीडा, कार्यानुभव शिक्षकाविनाच सुरू आहेत. राज्यातील १८ हजारांवर शिक्षकांवर उपासमारीची पाळी आलेली आहे. परिणामत: नवीन उमेदवारही कला, क्रीडा, कार्यानुभवचे कोर्स नको रे बाबा म्हणत आहेत.
नियम २००९ नूसार १०० पटसंख्या असलेल्या उंचप्राथमिक शाळांमध्ये अतिथी निदेशक नेमन्याचे आदेश दिले होते. राज्यात १०० पेक्षा जास्त पटसंख्या असलेल्या दोन ते अडीच हजारापर्यंत उच्च प्राथमिक शाळा आहेत. या सर्व शाळांवर सन २०१५-१६ मध्ये कला, क्रीडा, कार्यानुभव असे प्रत्येकी ३ याप्रमाणे साडे सहा ते सात हजार अतिथी निदेशकांची नियुक्ती करण्यात आली होती. या आधी सन २०११-१२ मध्ये सुध्दा १८ हजारापर्यंत अंशकाली निदेशकांची नियुक्ती इयत्ता ६वी ते ८वी पर्यंतच्या शाळांवर करण्यात आली होती. अतिथी निदेशकांची नेमनुक ५० रूपये तासीकेप्रमाणे करण्यात आली होती. त्यांना आठवड्यातून किमान ३ दिवस १२ तासीका दिल्या जात होत्या. त्यामुळे अनेक शाळांमधील मुलांना कला, क्रीडा, कार्यानुभव या विषयाची गोडी निर्माण झाली होती. परंतु आरटीई २००९ नूसार अतिथी निदेशकांच्या भरतीने शाळेतील मुलांसाठी फायद्याचे झाले असले तरी, निदेशकांना वेळेवर मानधन मिळाले नाही. तसेच या अतिथी निदेशकांना दोन वर्ष करीता बंद करण्यात आले. कला, क्रीडा व कार्यानुभव निदेशकांना कायम न केल्याने त्यांच्यावर बेरोजगारीची पाळी आली आहे. बरेच दिवस हे प्रकरण न्यायालयातही निदेशकांनी दाखल केले होते. परंतू या शैक्षणिक सत्रात जिल्हा परिषद उच्च प्राथमिक इयत्ता ६वी ते ८वी पर्यंतच्या शाळांवर एकही कला, क्रीडा, कार्यानुभव या विषयाकरीता शिक्षक कार्यरत नाहीत. वारंवार पाठपूरावा करूनही अतिथी निदेशकांचा प्रश्न प्रलंबित राहत आहे. परिणामी नवीन उमेदवारही या विषयाचे कोर्स करण्याकडे काना-डोळा करीत आहेत.
No comments:
Post a Comment