तुमसर,दि.29ः- भाडेतत्त्वावर घेतलेल्या वाहनाचे बिल काढून देण्यासाठी ५00 रुपयांची लाच स्विकारताना येथील पंचायत समितीच्या सहाय्यक लेखाधिकार्‍याला लाचलुचपत प्रतिबंधक विभागाच्या पथकाने शुक्रवारी (दि.२७) दुपारी रंगेहाथ अटक केली.
अविनाश महादेवराव रिनके (५६) असे लाचखोर सहाय्यक लेखाधिकार्‍याचे नाव आहे. मोहाडी येथील एका व्यक्तीने तुमसर पंचायत समितीला आपले वाहन भाड्याने दिले होते. सदर तक्रारदार मालक आणि चालक आहे. या वाहनाचे मासिक बिल काढून देण्यासाठी अविनाश रेनके याने त्याला ५00 रुपयांची मागणी केली. याची तक्रार भंडारा येथील लाचलुचपत प्रतिबंधक विभागाकडे करण्यात आली. त्यावरून शुक्रवारी तुमसर येथे सापळा रचण्यात आला. ५00 रुपये स्विकारताना रिनकेला रंगेहाथ पकडण्यात आले. या कारवाईने पंचायत समिती वतरुळात एकच खळबळ उडाली आहे.
सदर कारवाई लाचलुचपत प्रतिबंधक विभागाचे पोलिस अधीक्षक रश्मी नांदेडकर, अप्पर पोलिस अधीक्षक राजेश दुधलवार, पोलिस उपअधीक्षक महेश चाटे यांच्या मार्गदर्शनात पोलिस निरीक्षक योगेश्‍वर पारधी, सहाय्यक फौजदार पडवार, संजय कुरंजेकर, रवींद्र गभने, सुनील हुकरे, कृणाल कडव यांनी केली. तुमसर पोलिसांनी गुन्हा नोंदविला आहे
No comments:
Post a Comment