गणुटोला येथे दत्तात्रय जयंती उत्साहात साजरी

देवरी,दि.13 - श्री पंच कृष्ण मंदिर महानुभाव पंथ ट्रस्टच्या वतीने गणुटोला येथे श्री दत्तात्रय प्रभू जन्मोत्सव गेल्या बुधवारी (दि.11) मोठ्या उत्सहात साजरा करण्यात आला. या निमित्ताने भव्य रक्तदान शिबिराचे आयोजन करण्यात आले होते.

या कार्यक्रमाच्या अध्यक्षस्थानी माजी जिल्हा परिषद सदस्य गोमती तितराम ह्या होत्या. यावेळी प्रमुख अतिथी म्हणून  माजी पं.स. सभापती देवकी मरई, माजी सभापती सुनंदा नरेटी,सौ .शांती ऊईके, हेमलता कुंजाम आदी मान्यवर उपस्थित होते.  कार्यक्रमाच्या दुसऱ्या दिवशी प.पु.प.म.श्री संतोषमुनी शास्त्री, श्री क्षेत्र सुकळी/डाक यांचे प्रवचन ,प.पु ई श्री अशोकराजदादा डाकरम/सुकळी  प.पु.श्री फुलेराजदादा दर्यापुरकर मौदा,प.पु.ई.श्री संतोषजी शिवणेकर गणुटोला प.पु.ई.श्री बसंतप्रसाद तिवारी,ज्ञानीराजदादा  हेरपार यांचे प्रमुख उपस्थितीत व  श्री पंच कृष्ण मंदिर महानुभाव पंथ ट्रस्ट गणुटोला यांचे भजन संध्या कार्यक्रम आयोजित करण्यात आले  होते. दहीकाला व महाप्रसादाच्या वितरणाने कार्यक्रमाची सांगता करण्यात आली.

कार्यक्रमाच्या यशस्वितेसाठी  निलसिंह कुंजाम ,वासुदेव यादव ,विकास कुंजाम ,रतिराम दर्रो ,नंदकुमार आचले , सोनुजी नेताम,चंद्रपालजीऊईके आदींनी सहकार्य केले. 

संचालन लोकनाथ तितराम आणि सोनुजी नेताम यांनी केले. कार्यक्रमाला परिसरातील नागरिक मोठ्या संख्येने उपस्थित होते.