ब्लॉसम पब्लिक स्कुल मध्ये जागतिक महिला दिन उत्साहात साजरा

भेट वस्तू दाखवितानां महिला शिक्षिका 

देवरी : ०८ मार्च

भेट वस्तू देतांना मुख्याध्यापक सुजित टेटे 

ब्लॉसम पब्लिक स्कुल मध्ये जागतिक महिला दिन उत्साहात साजरा करण्यात आला. या प्रसंगी शाळेतील महिला शिक्षिकांना मान देऊन प्रमुख अतिथींचे स्थान देण्यात आले होते. वैशाली मोहुर्ले, सरिता थोटे , प्रगती कुंडलकर , कलावती ठाकरे ,हर्षदा चारमोडे , मनीषा काशीवार , वैशाली टेटे  , संगीत काळे आणि नलू टेंम्भरे उपस्थित होते.  सादर कार्यक्रमाचे आयोजन मुख्याध्यापक सुजित टेटे यांनी केले होते . जागतिक महिला दिनाचे औचित्य साधून सर्व महिला शिक्षिकांना मुख्याध्यापकांनी भेट वस्तू देऊन शुभेच्छा दिल्या . सर्वानी आपले मनोगत व्यक्त केले . पुरुष प्रधान संस्कृतीतून महिलांचा पुढाकार या विषयावर चर्चा करण्यात आली . ज्याला स्त्री आई म्हणून कळली तो जिजाऊ चा शिवबा झाला ,  ज्याला स्त्री बहीण म्हंणून कळली तो मुक्ताईचा ध्यानदेव झाला , ज्याला स्त्री मैत्रीण म्हंणून कळली तो राधेचा श्याम झाला आणि ज्याला स्त्री पत्नी म्हंणून कळली तो सीतेचा राम  झाला. या सुंदर ओळी या वेळी व्यक्त करण्यात आल्या . या वेळी  भदाडे आणि गुंजन भांडारकर यांचा वाढदिवस साजरा करण्यात आला.    सदर कार्यक्रमाच्या यशासाठी सर्व पुरुष शिक्षकांनी सहकार्य केला . कार्यक्रमाचे सूत्र संचालन स्वतः मुख्याध्यापक सुजित टेटे यांनी केला असून आभार प्रदर्शन धारणा कोल्हारे विद्यार्थिनींनी मानला .