तोतया पोलिसांनी महिलेला लुटले

गोंदिया,दि.09 : तोतया पोलिसांनी वृद्ध महिलेची फसवणूक करून दोन लाख १0 हजार किमतीचे दागिने चोरी केल्याची घटना राजलक्ष्मी चौकात घडली. फिर्यादी बीपीन अंबालाल पटेल यांची आई कमलाबेन पटेल (७२) या राजलक्ष्मी चौकातून जात असताना आरोपींनी आपण पोलिसात असल्याचे सांगून समोर दंगा होत असल्याचे सांगून त्यांच्याजवळील दागिने सुरक्षीत ठेवण्याचे आमिष देवून स्वत:जवळ ठेवले. दरम्यान आरोपींनी त्यांना खोटे देवून फसवणूक केली. फिर्यादीच्या तक्रारीवरून रामनगर पोलिसांनी आरोपींवर गुन्हा दाखल केला असून पुढील तपास पोलीस हवालदार धनबाते करीत आहेत.