नेट,सेट,पीएच.डी.धारकांचे नोकरभरती बंदी उठविण्यासंदर्भातील निवेदन सादर

गोंदिया,दि.13ः- गेल्या चार वर्षापासून शासनाच्यावतीने वरिष्ठ महाविद्यालयातील प्राध्यापक पदभरती बंद केल्यामुळे उच्च शिक्षीत नेट,सेट,पीएच.डी.युवक-युवतीसमोर रोजगाराचा प्रश्न उपस्थित झाला आहे.या परिस्थितीला कंटाळून उच्च शिक्षीत संघटनेकडून शासनाला जाग आणण्यासाठी पुणे व नागपूरला आमरण उपोषण सुरु करण्यात आले आहे.त्या आंदोलनाला पाठबळ मिळावे व झोपलेल्या शासनालार जाग यावी याकरीता तसेच प्राध्यापक पदभरती सुरू करावी या मागणीचे निवेदन गोदिंया जिल्हा उच्च शिक्षीत बेरोजगार संघटनेच्या वतीने प्रा.लोकेश कटरे,प्रा.आशिष शहारे,प्रा.राजकुमार पटले,प्रा.कु.अश्विनी मेश्राम,डाॅ.रविप्रकाश चंद्रिकापुरे,डाॅ.विजय रहांगडाले,प्रा.सुनिल शेंडे,प्रा.पाथोळे यांच्या शिष्टमंडळाने निवासी उपजिल्हाधिकारी हरिष धार्मिक यांना दिले आहे.