नवोदय विद्यालय निवड चाचणी परीक्षा;१० डिसेंबरपर्यंत ऑनलाईन अर्ज स्वीकारणार

• इयत्ता नववी प्रवेशासाठी निवड चाचणी परीक्षा

वाशिम, दि. २१ : येथील जवाहर नवोदय विद्यालयात सन २०२०-२१ या शैक्षणिक सत्रात इयत्ता ९ वी वर्गामध्ये रिक्त जागांकरिता प्रवेशासाठी निवड चाचणी परीक्षेचे अर्ज ऑनलाईन स्वरुपात स्वीकारण्यास सुरुवात झाली असून १० डिसेंबर २०१९ पर्यंत ऑनलाईन अर्ज सादर करता येतील. सन २०१९-२० या शैक्षणिक सत्रात जिल्ह्यातील मान्यता प्राप्त सरकारी, निमसरकारी अथवा खाजगी शाळेत इयत्ता ८ वी मध्ये शिक्षण घेत असलेले विद्यार्थी या निवड चाचणी परीक्षेसाठी अर्ज करू शकतात.

ऑनलाईन अर्ज भरण्याची प्रक्रिया पूर्णतः निशुल्क आहे. प्रवेश अर्ज नवोदय विद्यालय निवड समितीच्या www.navodaya.gov.in आणि https://www.nvsadmissionclassnine.in/ या संकेतस्थळावर उपलब्ध आहेत. निवड चाचणी प्रवेश परीक्षा ८ फेब्रुवारी २०२० रोजी वाशिम येथील जवाहर नवोदय विद्यालय येथे होणार आहे. अधिक माहितीसाठी वाशिम जवाहर नवोदय विद्यालय येथे कार्यालयीन वेळेत संपर्क साधावा, असे प्राचार्य आर. एस. चंदनशिव यांनी कळविले आहे.