सलमान खानच्या शिक्षेवर आज होणार सुनावणी

जोधपूर,दि.07 - 20 वर्षांपूर्वी काळविटांच्या शिकारप्रकरणी जामीन मिळाल्यानंतर बॉलिवूड अभिनेता सलमान खान सोमवारी (7 मे) कोर्टासमोर हजर राहणार आहे. त्याच्या शिक्षेवर सुनावणी होणार आहे. कोर्टासमोर होणाऱ्या या सुनावणीदरम्यान सलमान खानचे वकील त्याची शिक्षा रद्द करण्याची मागणी करणार आहेत.  1998 सालच्या काळवीट शिकार प्रकरणात जोधपूर न्यायालयाने 5 एप्रिलला सलमान खानला दोषी ठरवत, पाच वर्षांच्या कारावासाची शिक्षा सुनावली. शिवाय, न्यायालयाच्या संमतीखेरीज त्याला देशाबाहेरदेखील जाता येणार नाही, असाही आदेश दिला. ''हम साथ-साथ है!'', सिनेमाच्या शुटिंगदरम्यानची ही घटना आहे.