सामनावर बंदीची मागणी चुकीची – व्यंकय्या नायडूंचा पक्षाला घरचा आहेर

पुणे, दि. १७ – शिवसेनेचे मुखपत्र असलेल्या ‘सामना’चे प्रकाशन तीन दिवस थांबविण्याची मागणी भारतीय जनता पक्षाने केली आहे. ‘ मात्र ही मागणी चुकीची असून पेपरवर बंदी घालू नये’ असे सांगत केंद्रीय नगरविकास मंत्री वैकंय्या नायडू यांनी पक्षालाच घरचा आहेर दिला. ‘ सामना पेपरवर बंदी घालण्याची भाजपा कार्यकऱ्यांकडून करण्यात आलेली मागणी चुकीची असून पेपरवर बंदी घालू नये. त्यांना मोदींविरोधात जे लिहायचे ते लिहू द्यावे, अखेर जनता निर्णय घेईल’ असे नायडू यांनी म्हटले.