चेन्नई,दि.31(वृत्तसंस्था) - मद्रास आयआयटीमध्ये बीफ फेस्टिव्हल आयोजित केल्यामुळे उजव्या विचारसरणीच्या विद्यार्थी संघटनेच्या विद्यार्थ्यांकडून एका पीएचडीचे शिक्षण घेत असलेल्या विद्यार्थ्याला बेदम मारहाण करण्यात आली.
आंबेडकर पेरियार स्टडी सर्कल (एपीएससी) संबंधित हा विद्यार्थी असून, त्याच्यावर मंगळवारी हल्ला करण्यात आला. आर. सुरज असे या विद्यार्थ्याचे नाव आहे. मद्रास आयआयटीमध्ये तो डिपार्टमेंट ऑफ एरोस्पेसमध्ये पीएचडीचे शिक्षण घेत आहे. त्याच्या डोळ्याला जखम झाली असून, रुग्णालयात दाखल करण्यात आले आहे.
मंगळवारी दुपारी दोनच्या सुमारास मित्रांसोबत जेवण करण्यासाठी जात असताना त्याच्यावर उजव्या विचारसरणीच्या विद्यार्थ्यांकडून हल्ला करण्यात आला. अभियांत्रिकीचे शिक्षण घेत असलेल्या मनीष व त्याच्या सहकाऱ्यांनी त्याच्यावर हल्ला केला. केंद्राच्या निर्णयाला विरोध म्हणून मद्रास आयआयटीमध्ये 28 मे रोजी बीफ फेस्टिव्हलचे आयोजन करण्यात आले होते. या फेस्टिव्हलमध्ये सुरजसह अन्य दोन विद्यार्थ्यांनी पुढाकार घेतला होता.
No comments:
Post a Comment