राजकुमार बडोलेविरुध्द आचारसहिंता भंगाचा गुन्हा दाखल

गोंदिया,दि.18ः- देशात 17 व्या लोकसभा निवडणुकीसाठी आचारसहिंता लागू झालेली आहे.भंडारा-गोंदिया लोकसभा मतदारसंघातही 11 एप्रिलला मतदान पार पडले.या दरम्यान अर्जुनी मोरगाव तालुक्यात प्रचाराच्या सभेसाठी आलेले भाजपचे नेते नितिन गडकरी हे आले असता त्यांच्या स्वागतासाठी जिल्ह्याचे पालकमंत्री व अर्जुनी मोरगावचे आमदार इंजि.राजकुमार बडोले यांनी स्वागत फलक लावले.हे स्वागतफलक नवेगावबांध टी-पाईंटवर विद्युत खांब क्रमांक 320 वर तसेच रस्त्यालगतच्या झाडावर हार्दिक अभिनंदनाचे बॅनर लावण्यात आले होते.आचारसहिंता भंग केल्यामुळे भरारी पथकाचे विजय भैय्यालाल साखरे यांच्या तक्रारीवरुन पोलिसांनी महाराष्ट्र मालमत्ता विद्रुपीकरण प्रतिबंधक कायद्याचे कलम 3 अंतर्गत गुन्हा दाखल केला आहे.