गोंदिया जिल्हा आणि तालुका आमगाव सरपंच महा सेवा संघा च्या पदाधिकाऱ्यांनी त्यांच्या प्रलंबित मागण्या पूर्ण न झाल्यामुळे जिल्हाचे मुख्यकार्यकारी अधिकारी यांच्या मार्फत जिल्हाधिकारी, पालकमंत्री आणि राज्याचे मुख्यमंत्री यांना निवेदन देण्यात आले .
सदर निवेदन मार्फत मनरेगा च्या प्रलंबित रोड रस्त्याचे देयके त्वरित ७ दिवसाच्या देण्यात यावे, २०१७-१८ व २०१८-१९ मधील मनरेगाच्या कुशल कामाचा निधी मिळत नाही तो पर्यंत नवीन कामाची मागणी करण्यात येणार नाही आणि ऑक्टोबर २०१९ मध्ये होत असलेल्या निवडणुकीच्या पूर्वी निधी प्राप्त न झाल्यास निवडणुकीवर बहिष्कार करण्यात येणार असे स्पष्ट मागण्या सदर निवेदनातून करण्यात आलेले आहेत .
सदर निवेदन देते वेळी जिल्हापरिषद सदस्य सुरेश हर्षे, गंगाधर परशुरामकर ,गोंदिया जिल्हा सरपंच महासंघाचे अध्यक्ष कमल येरणे सरचिटणीस नितीन टेम्भरे, जिल्हा समन्वयक नरेंद्र शिवणकर , आमगाव तालुका अध्यक्ष सुनील ब्राह्मणकर , सरपंच सुनंदा उके , शोभाताई मेश्राम , अनिता ताई आंगरे , भारती येडे, सुनीता तुरकर , रामेश्वर शेंडे, आणि मोठ्या प्रमाणात साहित्य पुरवठा धारक उपस्थित होते.
No comments:
Post a Comment