वृत्त प्रकाशित होताच चिचगडचे अप्पर तहसील कार्यालय सुरू

बेरारटाईम्सच्या बातमीचा दणका

गोंदिया, दि.20 - निवडणुकीच्या तोंडावर देवरी तालुक्यातील चिचगड येथे राज्य शासनाच्या वतीने अप्पर तहसील कार्यालयाचे उद्घाटन केले होते. मात्र, उद्धाटनाचे सोपस्कार पार पाडून सदर कार्यालय नियमित सुरू करण्याचा विसर प्रशासनाला पडला होता. त्यामुळे या कार्यालयाला घेऊन नागरिकांमध्ये अनेक तर्क वितर्क लावणे सुरू झाले होते. नागरिकांच्या या प्रश्नाला वाचा फोडण्यासाठी बेरारटाईम्स न्यूज पोर्टल ने काल चिचगडचे तहसील कार्यालय अद्यापही अधांतरित या शीर्षकाखाली बातमी प्रकाशित केली होती. या वृत्तामुळे प्रशासनामध्ये चांगलीच खडबड उडाली. परिणामी, प्रशासनाने याविषयी तत्काल पावले उचलत आज शुक्रवारी (दि.20) सदर तहसील कार्यालय सुरू केले.  दरम्यान, चिचगड परिसरातील नागरिकांनी या विषयी बेरारटाईम्स न्यूज पोर्टलचे आभार मानले, हे येथे उल्लेखनीय