मनोहरभाई पटेल विद्यालयात सामाजिक न्याय दिन साजरा

 गुणवंत विद्यार्थ्यांचा केला सत्कार
   

       
 देवरी, दि.27- स्थानिक मनोहरभाई पटेल हाय.व कनिष्ठ महाविद्यालयात येथे छत्रपती शाहु महाराजांची जयंती सामाजिक न्याय दिन म्हणुन साजरी करण्यात आली.
याप्रसंगी शालांत व उच्च माध्यमिक शालांत परीक्षेतील गुणवंत विद्यार्थ्याच्या सत्कार सोहळा आयोजन करण्यात आले होते.
 कार्यक्रमाच्या अध्यक्षस्थानी देवरीचे तहसिलदार विजय बोरुडे हे होते. प्रमुख पाहुणे म्हणून देवरीचे आमदार संजय पुराम,  देवरी नगर परिषदेचे मुख्याधिकारी चिखलखुंदे,नगर उपाध्यक्ष ओमप्रकाश रामटेके, प्राचार्य के.सी.शहारे ,उपमुख्याध्यापक के.बी.गोंडाणे, पर्यवक्षक एस.टी.हलमारे, मुख्याध्यापक पी.जी.वैद्य आदी मान्यवर उपस्थित होते. यावेळी आमदार पुराम यांनी भाषणातून विद्यार्थ्याना मार्गदर्शन केले.तहसिलदार बोरुडे, चिखलखुंदे, श्री रामटेके यांनी सुद्धा विद्यार्थ्यांना समयोचित मार्गदर्शन केले.
  कार्यक्रमाचे संचालन जी.एम.मेश्राम  यांनी केले. उपस्थितांचे आभार प्राचार्य शहारे यांनी मानले.  कार्यक्रमाच्या यशस्वितेसाठी टी.आर.देशमुख ,श्री. मधुकर शेंद्रे ,श्री.पी.आर.मनगटे, एस.एस.निखारे आदी कर्मचाऱ्यांनी सहकार्य केले