मुंबई, 24- नागरिकांची होणारी अडचण व नगरपालिका निवडणूकांच्या पार्श्वभूमीवर तलाठी महासंघाने राज्यातील तलाठ्यांचे सामुदायिक रजा आंदोलन आजपासून मागे घेतल्याची माहिती महसूल मंत्री चंद्रकांत पाटील यांनी दिली.
तलाठी, मंडल अधिकारी यांच्या प्रलंबित मागण्यांवर चर्चा करण्यासाठी महसूल मंत्री पाटील यांच्या दालनात आज महाराष्ट्र राज्य तलाठी पटवारी मंडळ अधिकारी समन्वय महासंघ व इतर विविध संघटनांच्या पदाधिकाऱ्यांसोबत बैठक झाली. त्यानंतर महासंघाच्या पदाधिकाऱ्यांसोबत घेण्यात आलेल्या पत्रकार परिषदेत पाटील यांनी ही माहिती दिली. या बैठकीस महसूल विभागाचे प्रधान सचिव मनुकुमार श्रीवास्तव, माहिती तंत्रज्ञान विभागाचे प्रधान सचिव विजयकुमार गौतम, जमाबंदी आयुक्त संभाजी कडू पाटील, एन.आय.सी चे अधिकारी अनिल जोंधळे, श्रीकांत कुरुलकर, उपसचिव डॉ. संतोष भोगले, कि. पां. वडते, महासंघाचे अध्यक्ष अशोक कोकाटे, ज्ञानदेव डुबल, सतिश तुपे, शाम जोशी, महादेव राजूरकर, एस. व्ही. गवस, डी. के. काटकर, एच.एल. जाधव, टी. जी. सावंत, व्ही. डी. टेकाळे, संजय अनव्हाने, एन. वाय. उगले आदी उपस्थित होते.
अधिक माहिती साठी www.berartimes.com
No comments:
Post a Comment