देवरी, २८(प्रतिनिधी)-स्थानिक आईएसओ मानांकन ब्लॉसम स्कूल येथे पुनर्रचित प्राथमिक शिक्षण अभ्यासक्रम २०१२ इयत्ता ७वी साठी तालुकास्तरीय प्रशिक्षण २६ जुलै ते ३ ऑगस्ट या कालावधित आयोजित करण्यात आले आहे.
या प्रशिक्षण कार्यक्रमाचे उद्घाटन ब्लॉसम पब्लिक स्कूल येथील ऑडीओविडीओ कॉन्फरेन्स हाॅलमध्ये करण्यात आले होते. कार्यक्रमाच्या अध्यक्षस्थानी देवरी पंचायत समितीचे गटशिक्षणाधिकारी साकुरे हे होते. प्रमुख पाहुणे म्हणून देवरी बीआरसीचे गटसमन्वयक श्री. दिघोरे आणि मुख्याध्यापक सुजित टेटे आदी मान्यवर उपस्थित होते.
या प्रशिक्षणात तालुक्यातील ९७ शाळेतील विषय शिक्षक सहभागी झालेले होते. सदर प्रशिक्षण ३ ऑगस्ट पर्यंत चालणार असून यामध्ये वेगवेगळ्या विषयांवर सादरीकरण करण्यात येणार आहे.
यावेळी मार्गदर्शन करताना गटशिक्षणाधिकारी साकुरे यांनी उपस्थितांना प्रशिक्षणाचे महत्व समजावून सांगितले. मुख्याध्यापक सुजित टेटे यांनी अद्यावत शिक्षकाचे महत्व सांगतले.
कार्यक्रमाचे सूत्र संचालन श्री. लोथे यांनी केले.
No comments:
Post a Comment