विद्यार्थ्यांनांना भारतीय लोकशाही पद्दत आणि निवडणुकीची प्रक्रिया याची जाण व्हावी, यासाठी शालेय विद्यांर्थ्यांच्या प्रतिनिधी मंडळाच्या निवडीसाठी ब्लासम पब्लिक स्कूल येथे निवडणुक घेण्यात आली. या प्रक्रियेची संपूर्ण वातावरण निर्मिती मुख्याध्यापक सुजित टेटे यांच्या मार्गदर्शनात करण्यात आली होती. यासाठी शाळेत नामांकन पत्र भरणे, मतदान कक्षाची उभारणी करणे, मतपत्रिकेची निर्मिती, मतदान केंद्र, मतदान अधिकाऱ्यांची नियुक्ती करण्यात आळी होती. प्रत्यक्ष गुप्तमत पद्धतीने ही निवडणूक घेण्यात आली. यावेळी एखाद्या राजकीय निवडणुकीसारखे वातावरण यावेळी शालेय परिसरात तयार झाल्याचे चित्र होते.
या शालेय निवडणुकीत निवडून आलेल्या विद्यार्थी प्रतिनिधीच्या हस्ते येत्या स्वातंत्र्य दिन सोहळ्यात ध्वजारोहण करण्यात येणार असल्याने सदर निवडणुक ही चुरशीची झाली.
या निवडणुकीत विद्यार्थी प्रतिनिधी म्हणून आर्य मोहुर्ले, आणि विद्यार्थिनी प्रतिनिधी म्हणून पूर्वा चांदेवार हे विद्यार्थी बहुमताने निवडून आले.
सदर निवडणुक यशस्विरीत्या पार पाडण्यासाठी मुख्याध्यापक सुजित टेटे यांचे मार्गदर्शनात शाळेतील सर्व शिक्षक व शिक्षकेतर कर्मचाऱ्यांनी सहकार्य केले. विजयी विद्यार्थ्यांचे श्री. टेटे यांनी अभिनंदन केले.
No comments:
Post a Comment