आमगाव,दि.30ःः येथील पंचायत समितीच्या परिसरातील सभागृहात आज(दि.30)सभागृह पंचायत समितीचे गट विकास अधिकारी चंद्रकांत साबळे यांच्या पुढाकाराने तालुका वैद्यकीय अधिकारी डाॅ.चंदू वंजारे यांच्या सहयोगाने आरोग्य तपासणी शिबीर पार पडले.
अनियमित जीवनशैली व कामाचा वाढता ताण लक्षात घेता पदाधिकारी,अधिकारी व कर्मचार्यांचा आरोग्याकडे दुर्लक्ष होतो. त्याचा कामावर विपरीत परिणाम होतो.करिता पंचायत समिति कार्यक्षेत्रात कार्यरत सर्व पदाधिकारी, अधिकारी व कर्मचारी यांची रक्त तपासणी करून उपचार करण्यात आले. सदर तपासणी डॉ रेणुका जनईकर,डॉ मीनाक्षी कलाम,डॉ लक्ष्मीकांत वाघमारे,डॉ प्रिया चंद्रिकापूरे यांच्यासह प्राथमिक आरोग्य केंद्र बनगाव, तिगाव व ठाणा येथील कर्मचार्यांनी सहकार्य केले.
आरोग्य शिबिराला सभापती वंदना बोरकर,पंचायत समिती सदस्य अशोक पटले,ग्रामसेवक युनियन जिल्हाध्यक्ष कमलेश बिसेन,पंचायत समितीचे अधिक्षक संजय बनकर,विस्तार अधिकारी के.एम.रहांगडाले,ग्रामसेवक संघटनेचे तालुकाध्यक्ष शैलेश परिहार,रामा जमाईवार,पी.आर.चौधरी, मेश्राम, बिसेन, कोंबडीबुरे, मंजुषा चौधरी, अभियंता ठाकरे, पटले, हटवार, चारथळ, चांदेवार व ईतर कर्मचारी पदाधिकारी उपस्थित होते.
No comments:
Post a Comment