सुकळी येथे दुधातून 40 विद्यार्थ्यांना विषबाधा

प्रजासत्ताक दिनी घडली घटना
विद्यार्थ्यांची प्रकृती नियंत्रणात

साकोली,दि.26- प्रजासत्ताकदिनी आयोजित सांस्कृतिक कार्यक्रमानंतर विद्यार्थ्यांना देण्यात आलेल्या दुधातून सुमारे 40 विद्यार्थ्यांनी विषबाधा झाल्याची घटना साकोली तालुक्यातील सुकळी(महालगाल) येथे घडली.

 सविस्तर असे की, साकोली तालुक्यातील सुकळी येथील जिल्हा परिषद शाळेत प्रजासत्ताक दिना निमित्त सांस्कृतिक कार्यक्रमाचे आयोजन करण्यात आले होते. या कार्यक्रमानंतर गावकऱ्यांच्या वतीने शालेय विद्यार्थ्यांना पिण्यासाठी दुधाचे वाटप करण्यात आले. हे दूध प्यालानंतर विद्यार्थ्यांनी ओकाऱ्या येऊन त्यांची प्रकृती बिघडल्याने शिक्षख आणि गावकऱ्यांमध्ये भीतीचे वातावरण निर्माण झाले. या सर्व बाधित विद्यार्थ्यांना पुढील उपचारासाठी साकोली येथे हलविण्यात आले. वृत्त लिहीपर्यंत विद्यार्थ्यांची प्रकृती धोक्याबाहेर असल्याची माहिती आहे.