सांगली,दि.31- कुपवाडा येथे पाकिस्तानकडून झालेल्या हल्ल्यात भारताचे दोन जवान शहीद झाले होते. त्यात महाराष्ट्रातील सांगली जिल्ह्यातील दुधगावचे नितीन कोळी यांचा समावेश होता. सोमवारी सकाळी त्यांच्या पार्थिवावर मूळगावी दुधगावमध्ये शासकीय इतमामात अंत्यसंस्कार करण्यात आले. भाऊ उल्हास आणि मुलगा देवराज यांनी शहीदाच्या पार्थिवाला मुखाग्नी दिला.
यावेळी पंचक्रोशीतील लोक शहीदाला श्रद्धांजली देण्यासाठी उपस्थित होते. 'नितीन कोळी अमर रहे' आणि 'पाकिस्तान मुर्दाबाद'च्या घोषणा यावेळी देण्यात आल्या. दुधगावमधून वाहणाऱ्या वारणा नदीच्या काठावर शहीद कोळी यांना मानवंदना देण्यात आली. त्यानंतर अंत्यसंस्कार करण्यात आले.अंत्यसंस्कारासाठी राज्याचे मंत्री चंद्रकांत पाटील, सदाभाऊ खोत, खासदार राजू शेट्टी उपस्थित होते.
No comments:
Post a Comment