२१ ऑक्टोबरला पोलीस स्मृती दिन कार्यक्रम कारंजा येथे

गोंदिया,दि.२० : आपले कर्तव्य बजावतांना शहीद झालेल्या पोलीस अधिकारी आणि कर्मचाऱ्यांच्या स्मृती प्रित्यर्थ २१ ऑक्टोबर हा दिवस पोलीस स्मृती दिवस म्हणून देशभर साजरा करण्यात येतो. राज्यातील पोलीस दलातील २३१ अधिकारी आणि कर्मचारी आपले कर्तव्य बजावतांना शहीद झाले आहे. या शहीद पोलीसांना मानवंदना देण्यासाठी आज २१ ऑक्टोबर रोजी सकाळी ८ वाजता पोलीस मुख्यालयाच्या कारंजा येथील कवायत मैदानावर पोलीस स्मृती दिन कार्यक्रमाचे आयोजन करण्यात आले आहे. जिल्हाधिकारी अभिमन्यू काळे हे यावेळी पोलीस हुतात्मा स्मारकास पुष्पचक्र अर्पण करणार आहे.