पाटणा,दि.24 - उत्तर प्रदेशमधल्या बांदा जिल्ह्यातील माणिकपूर रेल्वे स्थानकावर 13 डब्यांची वास्को द गामा-पटना एक्स्प्रेस रुळावरून घसरली आहे. या अपघातात 3 प्रवाशांचा मृत्यू झालाय, तर अनेक जण जखमी आहेत. रेल्वे रूळ तुटल्यामुळे पहाटे चारच्या सुमारास हा अपघात झाल्याचा प्राथमिक अंदाज उत्तर प्रदेशच्या अतिरिक्त पोलिस महासंचालकांनी वर्तवला आहे. तर दुसरीकडे ट्रेन चालकानं अचानक ब्रेक दाबल्यामुळे अपघात झाल्याचीही चर्चा आहे. पटना- गोवा रेल्वे मार्गावर अपघात झाल्यानं वाहतुकीचा खोळंबा झाला असून, इतर ट्रेनचं वेळापत्रकही बदलण्यात आलं आहे. बचावकार्याचं पथक आणि डॉक्टर्स घटनास्थळी दाखल झाले असून, रेल्वेनं हेल्पलाइनही सुरू केली आहे. जखमींना उपचारासाठी जवळच्या रुग्णालयात दाखल करण्यात आलं आहे.
No comments:
Post a Comment