नवी दिल्ली,दि.24 (वृत्तसंस्था)- एका चार वर्षीय बालकाने आपल्या चार वर्षीय वर्गमैत्रिणीवर पेन्सिलच्या साह्याने लैंगिक हल्ला केल्याची खळबळजनक घटना दिल्लीतील द्वारका भागातील एका शाळेत घडल्याचे वृत्त आहे. या प्रकरणी पोलिसांनी बलात्काराचा गुन्हा दाखल केला आहे. मात्र, सात वर्षांखालील बालकांवर कायद्याने गुन्हा दाखल करता येत नसल्याने, या प्रकरणी काय कारवाई करावी, याबाबत पोलिस कायदेतज्ज्ञांचा सल्ला घेत असल्याचे समजते. या प्रकरणी शाळा प्रशासनावर निष्काळजीपणाचा गुन्हा दाखल करण्यात आला आहे.
शुक्रवारी शाळेतून घरी आल्यावर या मुलीने आपल्याला वेदना होत असल्याची तक्रार केली. वर्गातील एका मुलाने आपल्याशी केलेला गैरप्रकार तिने आईला कथन केला. त्यावेळी तिथे ‘शिक्षक किंवा दीदी’ यापैकी कोणीही नव्हते. मुलीवर लैंगिक हल्ला झाल्याचे डॉक्टरांनी स्पष्ट केल्यानंतर पालकांनी पोलिसांत तक्रार नोंदवल्याचे कळते. मुलीच्या पालकांनी शाळा प्रशासनावर निष्काळजीपणाचा आरोप केला आहे. मुख्याध्यापक, शिक्षक तसेच समन्वयकांनी कोणतीही मदत न केल्याचा आरोपही त्यांनी केला आहे. त्या मुलाला शाळेतून काढून टाकावे, अशी मागणीही या मुलीच्या आईने केली. दरम्यान, दिल्लीच्या बालहक्क संरक्षण आयोगाने या शाळेचे मुख्याध्यापक व अन्य तीन कर्मचाऱ्यांना सोमवारी आयोगासमोर हजर राहण्याचे समन्स बजावले आहे.
शुक्रवारी शाळेतून घरी आल्यावर या मुलीने आपल्याला वेदना होत असल्याची तक्रार केली. वर्गातील एका मुलाने आपल्याशी केलेला गैरप्रकार तिने आईला कथन केला. त्यावेळी तिथे ‘शिक्षक किंवा दीदी’ यापैकी कोणीही नव्हते. मुलीवर लैंगिक हल्ला झाल्याचे डॉक्टरांनी स्पष्ट केल्यानंतर पालकांनी पोलिसांत तक्रार नोंदवल्याचे कळते. मुलीच्या पालकांनी शाळा प्रशासनावर निष्काळजीपणाचा आरोप केला आहे. मुख्याध्यापक, शिक्षक तसेच समन्वयकांनी कोणतीही मदत न केल्याचा आरोपही त्यांनी केला आहे. त्या मुलाला शाळेतून काढून टाकावे, अशी मागणीही या मुलीच्या आईने केली. दरम्यान, दिल्लीच्या बालहक्क संरक्षण आयोगाने या शाळेचे मुख्याध्यापक व अन्य तीन कर्मचाऱ्यांना सोमवारी आयोगासमोर हजर राहण्याचे समन्स बजावले आहे.
No comments:
Post a Comment