तहकूब सभेचे आयोजन येत्या 7 डिसेंबरला
तालुक्यातील मुल्ला येथील ग्रामपंचायतीची निवडणूक नुकतीच पार पडली. निवडणूकीनंतर प्रथम ग्राम सभेचे आयोजन आज शनिवारी (दि.25) करण्यात आले होते. परंतु, सदर ग्रामसभेच्या प्रसिद्धीसाठी गावात दवंडी देण्यात आली नाही. परिणामी, सदर ग्रामसभेचे कोरम पूर्ण झाले नाही. यामुळे संतप्त झालेल्या ग्रामस्थांनी याविषयी नवनियुक्त सरपंचांना जाब विचारला. यामुळे ग्रामस्थांच्या रोषाला सामोरे जात ग्रामपंचायत प्रशासनासह सरपंचांनी दिलगिरी व्यक्त करीत ग्रामस्थांची माफी मागत यापुढे ग्रामसभेची प्रसिद्धी योग्यरीत्या करण्याचे आश्वासन सभेत उपस्थित नागरिकांना दिले. तहकूब ग्रामसभा येत्या 7 डिसेंबर रोजी आयोजित करण्यात येणार असल्याची माहिती ग्रामसचिवांनी दिली.
No comments:
Post a Comment