महाराष्ट्र राज्य ग्रामसेवक संघाची विभागीय बैठक उत्साहात

पवनी,दि.2 - महाराष्ट्र राज्य ग्रामसेवक संघटनेची विभागीय बैठक काल पवनी येथील गांधी भवनात उस्ताहात पार पडली.

या बैठकीच्या अध्यक्षस्थानी  औरंगाबाद येथील विभागीय अध्यक्ष सुदाम शिंगोडे हे होते. यावेळी प्रमुख उपस्थितांमध्ये औरंगाबाद विभागाचे सरचिटणीस बनकर, गायकवाड ॉ, पत्रकार पारधी, गोंदिया शाखेचे जिल्हाध्यक्ष एच.पी. पांडे,सरचिटणीस अरविंद साखरे, कार्याध्यक्ष व्ही आऱ बहेकार, सल्लागार पृथ्वीराज कोल्हटकर, गडचिरोली जिल्हाध्यक्ष डी.एस. मेश्राम, सरचिटणीस अरूण तलमले, एम. के. काळबांधे. के.एस गेडाम आदींचा समावेश होता.

यावेळी 2005 नंतर शासकीय सेवेत समाविष्ठ ग्रामसेवकांना जुनी पेंशन योजना लागू करणे, कंत्राटी ग्रामसेवक म्हणून 3 वर्षाची सेवा ही सेवाकाळ म्हणून गणला जाणे, २००४-२००५ पासून सेवेत असलेल्या ग्रामसेवकांच्या कपात केलेल्या GPF/CPF/DCPS रकमांचा हिशोब शासनाकडून घेणे आणि ग्रामसेवक/ग्रामविकास अधिकारी संवर्गाला भेडसावत असलेल्या विविध समस्यांवर चर्चा करण्यात आली. दरम्यान, नागपूर जिल्ह्यातील सुमारे 25 ग्रामसेवकांनी संघाच्या नेतृत्वावर विश्वास टाकत संघात प्रवेश केला. 

यावेळी नागपूर शाखेची कार्याकारिणी गठीत करण्यात आली. यामध्ये अध्यक्ष भारत मेश्राम, उपाध्यक्ष पंजाब चल्हाण, सचिव पूनम पांडे, प्रसिद्धी प्रमुख रवी रेहपाडे आणि मार्गदर्शक म्हणून हरिभाऊ रानडे यांचा समावेश करण्यात आला.

 प्रास्ताविक  विनोद भेंडारकर यांनी केले. संचालन रवी खोटेले यांनी केले. उपस्थितांचे  आभार संध्या पाटील यांनी मानले. बैठकीच्या यशस्वितेसाठी  विलासभाऊ मुंडे, डी. एस.मेश्राम, कालिदास माकडे, सुधाकर चिंधालोरे, संदीप भिवगडे,संध्या पाटील, कीर्ती भिवगडे, मनोज राजाभोज, पौर्णिमा साखरे, संगीता मारवाडे, वसंत बावनकुळे,जयप्रकाश आकरे,नेपाल जांभुळकर,विजया लांजेवार, शाम वैद्य, प्रवीण सोरटकर, धनराज थोटे,देविदास भुजबळ, गौतम खंडाळे, सुनील खांडेकर,सुरेश राऊत, राजकुमार पटले,  मिलिंद दरवरे, अशोक ब्राम्हणकर  महेंद्र लांजेवार  यांनी सहकार्य केले.