गणूटोला येथे रक्तदान शिबीराचे आयोजन

देवरी,दि.03- तालुक्यातील गणूटोला कडीकसा येथील पंचकृष्ण मंदिरात दत्त जयंची निमित्ताने रक्तदान शिबिराचे आयोजन काल शनिवारी (दि.2) करण्यात आले होते.

या शिबिराचे अध्यक्षस्थानी माजी जिल्हा परिषद सदस्य गोमती तितराम या होत्या. शिबिराचे उद्घाटन माजी जि.प. सभापती सविता पुराम यांचे हस्ते करण्यात आले. यावेळी मंदिराचे पुजारी चंद्रपाल उइके, सोनू नेताम, दयाराम तेलासी, राजू अठभैया, नंदकुमार बागडेहरिया, नंदू आचले, संतोष मुनी शास्त्री आदी मान्यवर उपस्थित होते. या शिबिरात 30 लोकांनी स्वयंप्रेरणेने रक्तदान केले.