गडचिरोली, दि.८: आरमोरी तालुक्यातील वैरागड येथील प्राथमिक आरोग्य केंद्रातील परिचराच्या प्रवास भत्त्याच्या देयकाची रक्कम अदा करण्यासाठी त्याच्याकडून केवळ दोनशे रुपयांची लाच स्वीकारताना लाचलुचपत प्रतिबंधक विभागाच्या अधिकाऱ्यांनी आज याच प्राथमिक आरोग्य केंद्रातील कनिष्ठ लिपिक किरण प्रदीपराव इंगळे(३७) हिला रंगेहाथ पकडून अटक केली.एसीबीने दिलेल्या माहितीनुसार, तक्रारकर्ता हा वैरागड येथील प्राथमिक आरोग्य केंद्रात परिचर पदावर कार्यरत आहे.एसीबीचे पोलिस अधीक्षक राकेश शर्मा यांच्या मार्गदर्शनाखाली पोलिस निरीक्षक एम.एस.टेकाम, हवालदार विठोबा साखरे,शिपाई रवींद्र कत्रोजवार,मिलिंद गेडाम, गणेश वासेकर, सोनल आत्राम, घनश्याम वडेट्टीवार ही कारवाई केली.
No comments:
Post a Comment