बोअरवेलच्या दुरुस्तीवेळी साखळी तुटून चिमुरड्याचा मृत्यू

नागपूर : नागपुरात जुन्या बोअरवेलची दुरुस्ती करताना एका 4 वर्षीय बालकाचा मृत्यू झाला आहे. अरमान उर्फ अलफैज अली पटेल असे या घटनेत मृत्युमुखी पडलेल्या बालकाचं नाव आहे.

मंगळवारी दुपारी नागपूरच्या महाल परिसरात नाईक रोड जवळ बालाजी रेसीडेन्सी या इमारतीत जुन्या बोअरवेलच्या दुरुस्तीचे काम सुरु होते. इमारतीच्या दाराजवळ असलेल्या बोअरवेलमध्ये असलेली जुनी मोटर काढली जात असताना ही घटना घडली.