माजी आमदार मानकरांना पोल्ट्रीफार्मधारकाची मारहाण

गोंदिया,दि.21-जिल्ह्यातील आमगाव येथील कृषी उत्पन्न बाजार समितीच्या जागेवर पोल्ट्रीफार्मचा व्यवसाय करणार्या इसमाविरुध्द कृषी उत्पन्न बाजार समितीने न्यायालयात दाद मागितली होती.त्या निर्णयानुसार न्यायालयाने सदर जागा ही बाजार समितीच्या मालकीची असल्याचा निर्णय दिला.त्या निर्णयाची माहिती देण्यासाठी आमगाव कृषी उत्पन्न बाजार समितीचे सभापती व माजी आमदार केशवराव मानकर हे आपल्या सहकारीसोबत गेले असता गैरअर्जदार प्रविण देशमुख यांनी बाजार समितीचे सभापती असलेले माजी आमदार मानकर यांच्या काॅलरची ओढताण करुन त्यांना मारहाण केली.यामुळे चांगलेच वातावरण तापले गेले.त्यानंतर विद्यमान आमदार संजय पुराम यांनी आमगाव शहर गाठून पोलिस ठाण्यातही धाव घेतली.याप्रकरणात वृत्तलिहिपर्यंत गुन्हा दाखल झालेला नव्हता.मिळालेल्या माहितीनुसार बाजार समितीचे लेखापाल यांच्या उल्लेख करीत अट्रासिटी कायद्यातर्गंत गुन्हा दाखल कऱण्याची प्रकिया बाजार समितीच्या वतीने असल्याची चर्चा आहे.